Շախմատի Համաշխարհային օլիմպիադայի եռակի չեմպիոն Հայաստանի հավաքականի առաջին համար Լեւոն Արոնյանը Հոլանդիայի Վեյկ Ան Զեե քաղաքում անցկացված Tata Steel Chess-2013 սուպերմրցաշարում զբաղեցրեց երկրորդ տեղը:
Վերջին՝ 13-րդ տուրում Լեւոն Արոնյանը սեւերով ոչ ոքի խաղաց իտալացի Ֆաբիանո Կարուանայի հետ եւ մրցաշարն ավարտեց 8.5 միավորով: Գրոսմայստերները խաղաղ ելք կնքեցին 104-րդ քայլում:
Արոնյանի հետ երկրորդ տեղի համար պայքարող Վիշվանաթան Անանդը սեւերով պարտվեց չինացի Հաո Վանգին եւ 8 միավորով գրավեց երրորդ տեղը: Նույնքան միավորով չորրորդ տեղը զբաղեցրեց ռուս Սերգեյ Կարյակինը, ով հաղթեց հոլանդացին Լյուկ վան Վելիին:
Հաղթողի տիտղոսը նվաճած Մագնուս Կարլսենը սեւերով ոչ ոքի խաղաց հոլանդացի Անիշ Գիրիի հետ եւ մրցաշարն ավարտեց 10 միավորով:
1. Մագնուս Կարլսեն (Նորվեգիա) - 10 միավոր
2. Լեւոն Արոնյան (Հայաստան) - 8.5
3. Վիշվանաթան Անանդ (Հնդկաստան) - 8
4. Սերգեյ Կարյակին (Ռուսաստան) - 8
5. Պետեր Լեկո (Հունգարիա) - 7.5
6. Հիկարու Նակամուրա (ԱՄՆ) - 7
7. Պանտելա Հարիկրիշնա (Հնդկաստան) - 6.5
8. Անիշ Գիրի (Հոլանդիա) - 6
9. Հաո Վանգ (Չինաստան) - 6
10. Լյուկ վան Վելի (Հոլանդիա) - 6
11. Հոու Յիֆան (Չինաստան) - 5.5
12. Ֆաբիանո Կարուանա (Իտալիա) - 5
13. Էրվին Լ՛Ամի (Հոլանդիա) - 4
14. Իվան Սոկոլով (Հոլանդիա) - 3
Հետևեք NEWS.am SPORT-ին Facebook-ում, Twitter և Telegram-ում