Ծաղկաձոր. ՖԻԴԵ նախագահական խորհրդի նիստի օրակարգը

Շախմատի միջազգային ֆեդերացիայի նախագահական խորհդրի նիստը հունվարի 18-ից 21-ը տեղի կունենա Ծաղկաձորում: ՖԻԴԵ-ի կայքը հրապարակել է նիստի օրակարգը:

ՖԻԴԵ նախագահ Կիրսան Իլյումժինովից բացի զեկույցներով հանդես կգան նաեւ կազմակերպության գանձապետը, Աթենքի, Մոսկվայի եւ Էլիստայի գրասենյակները, կհաստատվեն մի շարք ֆեդերացիաների անդամակցությունը ՖԻԴԵ-ին, կներկայացվեն 2013-ի եւ առաջիկա մի քանի տարիների գլխավոր իրադարձությունների նախապատրաստական գործընթացի զեկույցները:

Կքննարկվի նաեւ ռուսական «ՆՏՎ Պլյուս» հեռուստաընկերությանը ՖԻԴԵ-ի պաշտոնական հեռուստաալիքի կարգավիճակ տալու հարցը, նաեւ ՖԻԴԵ-ի հովանավորությամբ առանձին շախմատային հեռուստաալիք ստեղծելու նախագիծը:

Հետևեք NEWS.am SPORT-ին Facebook-ում, Twitter և Telegram-ում