ԵԼ․ «Արարատ-Արմենիան» պարտվեց Պորտուգալիայում (տեսանյութ)

Ֆուտբոլի Հայաստանի չեմպիոն Երեւանի «Արարատ-Արմենիան» Եվրոպայի լիգայի չորրորդ տուրում հյուրընկալվեց պորտուգալական «Տորենսեին» եւ պարտվեց 2:3 հաշվով։

13-րդ րոպեին հանդիպմանը հաշիվը բացեց «Տորենսեի» 26-ամյա կուբացի հարձակվող Խորխե Ագիրեն։ 25-րդ րոպեին նա հեռացվեց կոպիտ խախտման համար։

41-րդ րոպեին Հայաստանի հավաքականի 25-ամյա հարձակվող Ժիրայր Շաղոյանի փոխանցումից հետո աչքի ընկավ «Արարատ-Արմենիայի» ավագ, 34-ամյա կիսապաշտպան Կարեն Մուրադյանը։

Երեւանյան թիմի երկրորդ գոլը 58-րդ րոպեին խփեց 29-ամյա մոզամբկիցի պաշտպան Բրունո Ուիլսոնը, որին գոլային փոխանցում կատարեց Հայաստանի հավաքականի 23-ամյա հարձակվող Արթուր Սերոբյանը։

76-րդ րոպեին կարմիր քարտ ստացավ «Արարատ-Արմենիայի» 28-ամյա բրազիլացի դարպասապահ Ժոաո Բրավիմը։

Ավելացված երրորդ րոպեին հավասարությունը վերականգնեց 26-ամյա իսպանացի պաշտպան Խավի Վասկեսը։ Դաշտի տերերի հաղթական գոլն ավելացված 5-րդ րոպեին խփեց 24-ամյա գամբիացի հարձակվող Մուսա Դրամեն։

«Արարատ-Արմենիան» չորս պարտությունից հետո վերջինն է։

Հաջորդ տուրում Հայաստանի չեմպիոնները նոյեմբերի 26-ին կհյուրընկալվի ավստրիական «Զալցբուրգին»։

Եվրոպայի լիգա, չորրորդ տուր

«Տորենսե» - «Արարատ-Արմենիա»՝ 3:2 (տեսանյութ)

Խորխե Ագիրե, 13, Խավի Վասկես, 90+3, Մուսա Դրամե, 90+5  – Կարեն Մուրադյան, 41, Բրունո Ուիլսոն, 58

Հեռացումներ՝ Խորխե Ագիրե («Տորենսե»), 25, Ժոաո Բրավիմ («Արարատ-Արմենիա»), 76

Հետևեք NEWS.am SPORT-ին Facebook-ում, Twitter և Telegram-ում