ՉԼ․ «Արարատ-Արմենիա» - «Ցելիե» հանդիպման լավագույն դրվագները (տեսանյութ)

Ֆուտբոլի Հայաստանի չեմպիոն «Արարատ-Արմենիան» Չեմպիոնների լիգայի որակավորման երրորդ փուլի (կիսաեզրափակիչ) առաջին խաղում 2:1 հաշվով հաղթել էր սլովենական «Ցելիեին»։ Երեւանյան ակումբի յութուբյան ալիքը ներկայացրել է տնային հանդիպման լավագույն դրվագները։

21-րդ րոպեին հանդիպման հաշիվը 11-մետրանոցից բացել էր հյուրերի 24-ամյա սլովենացի կիսապաշտպան Սվիտ Սեշլարը։

38-րդ րոպեին 23-ամյա հարձակվող Արթուր Սերոբյանը հեռվից փայլուն հարվածով գրավել էր հյուրերի դարպասը։

70-րդ րոպեին «Արարատ-Արմենիայի» հաղթական գոլը խփեց 31-ամյա բրազիլացի հարձակվող Կառլոս Ֆրանսան։

Պատասխան հանդիպումը Սլովենիայում տեղի կունենա օգոստոսի 11-ին։

Այս դիմակայության հաղթողը որակավորման փլեյ-օֆֆում կհանդիպի «Սլովան Բրատիսլավա» (Սլովակիա) - «Միելբյու» (Շվեդիա) զույգի հաղթողի հետ։

Հետևեք NEWS.am SPORT-ին Facebook-ում, Twitter և Telegram-ում