Լողափնյա վոլեյբոլի Հայաստանի չեմպիոնները

Խաչիկ Ասմարյանի անվան լողափնյա վոլեյբոլի ակադեմիայում ավարտվել է Հայաստանի լողափնյա վոլեյբոլի տղամարդկանց եւ կանանց առաջնությունները, որը մեկնարկել էր հունիսի 13-ից:  

Տղամարդկանց պայքարում Հայաստանի չեմպիոնի կոչումը նվաճեց Գյումրիի թիմը՝  Վահե Նազարյան – Կարեն Տիգրանյան զույգը:

Երկրորդ տեղը զբացրեց ՖԻՄԱ թիմը՝ Խաչատուր Ամսարյան - Հայկ Բաղրամյան:

Երրորդ տեղում Հայաստանի երիտասարդական հավաքականն է՝ Ֆիրսուսի Կեսոյան- Ալեն Ալեքսանյան:

Կանանց պայքարում հաղթող է դարձել Երեւանի թիմը՝ Միլենա Տոնոյան – Ելիզավետա Տոնոյան:

Երկրորդ տեղ գրավել է ՖԻՄԱ թիմը՝ Ամալյա Կարապետյան – Վերա Մկրդումյան:

Երրորդ տեղում է ԽՄՕՄՄ թիմը՝ Նարինե Հակոբյան – Սյուզանա Մկրտչյան:

Չեմպիոններն ու հաղթողները ՀՎՖ կողմից ստացան դրամական պարգեւներ՝

1 տեղ՝ 200.000 դրամ,

2 տեղ՝  120.000 դրամ,

3 տեղ՝ 80.000 դրամ:

Հայաստանի չեմպիոններն իրավունք ձեռք բերեցին մասնակցել 2026 թ. Եվրոպայի ակումբային առաջնության որակավորման առաջին փուլին։

Հետևեք NEWS.am SPORT-ին Facebook-ում, Twitter և Telegram-ում