ՉԼ․ Շաբաթվա լավագույն խաղացողի մրցանակի հավակնորդները

Չեմպիոնների լիգայի կիսաեզրափակիչի պատասխան հանդիպումներից հետո ՈՒԵՖԱ-ն ներկայացրել է շաբաթվա լավագույն խաղացողի մրցանակի երկու հավակնորդների։

Մրցանակին հավակնում են Անգլիայի փոխչեմպիոն Լոնդոնի «Արսենալի» անգլիացի կիսապաշտպան Դեքլան Ռայսն ու Ֆրանսիայի չեմպիոն եւ Չեմպիոնների լիգայի գավաթակիր ՊՍԺ-ի էկվադորցի պաշտպան Վիլիան Պաչոն։

Քվեարկությունն ընթանում է ՈՒԵՖԱ-ի կայքում։

Կիսաեզրափակիչում «Արսենալը» պայքարից դուրս է թողել Մադրիդի «Աթլետիկոյին» (1:1, 1:0), ՊՍԺ-ն՝ Գերմանիայի նորընծա չեմպիոն Մյունխենի «Բավարիային» (5:4, 1:1)։

Եզրափակիչը տեղի կունենա մայիսի 30-ին Բուդապեշտում։

Հետևեք NEWS.am SPORT-ին Facebook-ում, Twitter և Telegram-ում