Լուիս Էնրիկե․ Անկասկած, լավագույն հանդիպումն էր իմ մարզչական կարիերայում

Ֆրանսիայի չեմպիոն եւ Չեմպիոնների լիգայի գավաթակրի տիտղոսը պաշտպանող ՊՍԺ-ի իսպանացի գլխավոր մարզիչ Լուիս Էնրիկեն մեկնաբանել է Գերմանիայի նորընծա չեմպիոն Մյունխենի «Բավարիայի» նկատմամբ 5:4 հաշվով հաղթանակը Չեմպիոնների լիգայի կիսաեզրափակիչի առաջին խաղում։

«Շատ լարված մրցախաղ էր։ Անկասկած, սա լավագույն հանդիպումն էր իմ մարզչական կարիերայում։

Ես շատ եմ հոգնել, թեեւ ոչ մի կիլոմետր չեմ վազել։ Այդ պատճառով, նույնիսկ, չգիտեմ, թե ինչ ինքնազգացողություն ունեն ֆուտբոլիստները»,- Լուիս Էնրիկեի խոսքը մեջբերում է ESPN-ը։

Պատասխան հանդիպումը Մյունխենում տեղի կունենա մայիսի 6-ին։

Հետևեք NEWS.am SPORT-ին Facebook-ում, Twitter և Telegram-ում