Վարազդատ Լալայանը՝ Եվրոպայի եռակի չեմպիոն

Օլիմպիական փոխչմեպիոն, աշխարհի եւ Եվրոպայի կրկնակի չեմպիոն Վարազդատ Լալայանը հավասարը չունեցավ Վրաստանի Բաթումի քաղաքում ավարտված ծանրամարտի Եվրոպայի առաջնությունում: +110 կգ քաշայինների պայքարում երկամարտի 451 կգ արդյունքով Լալայանը երրորդ անգամ կարիերայում նվաճեց չեմպիոնի տիտղոսը (210+241 ):

Լալայանը երկու վարժություններում էլ պայքարը սկսեց այն ժամանակ, երբ բոլորն ավարտել էին իրենց մցրելույթները: Պոկում վարժությունում նա առաջին մոտեցմամբ բարձրացրեց 200 կգ, երկրորդ մոտեցմամբ՝ 210 կգ: Երրորդ մոտեցումից հրաժարվեց: Լալայանն այս վարժությունում 18 կգ-ով գերազանցեց երկրորդ տեղը զբաղեցրած Դանիլ Վագացիեւին:

Հրում վարժությունում Լալայանը բարձրացրեց 241 կգ, երկրորդ մոտեցմամբ փորձեց ռեկորդ սահմանել եւ հրել 253 կգ, բայց փախողեց: Երրորդ մոտեցմամբ եւս չկարողացավ հրել 253 կգը:

Լալայանի մասնակցությամբ +110 կգ քաշայինների պայքարին մարզադահլիճում հետեւեւմ է եռակի օլիմպիական չեմպիոն, 7-ակի աշխարհի եւ Եվրոպայի չեմպիոն Լաշա Տալախաձեն:

NEWS.am Sport-ի թղթակցի հետ զրույցում Տալախաձեն նշել էր, որ այսօրվա պայքարում եւ Եվրոպայում իր ֆավորիտը Վարազդատ Լալայանն է:

Հետևեք NEWS.am SPORT-ին Facebook-ում, Twitter և Telegram-ում