Բելինգեմ. «Բավարիայի» հետ մրցախաղը հավասարազոր է եզրափակիչի

Իսպանիայի փոխչեմպիոն Մադրիդի «Ռեալի» անգլիացի կիսապաշտպան Ջուդ Բելինգեմը Գերմանիայի չեմպիոն Մյունխենի «Բավարիայի» հետ առաջիկա հանդիպումը համեմատել է եզրափակիչի հետ։ Թիմերը կմրցեն ՉԵմպիոնների լիգայի քառորդ եզրափակիչի պատասխան խաղում։

«Շատ կարեւոր հանդիպում է մեր թիմի համար՝ հաշվի առնելով մեր դրությունը Լա Լիգայում։ «Բավարիայի» հետ մրցախաղը հավասարազոր է եզրափակիչի։ Մենք ցանկանում ենք պայքարել Չեմպիոնների լիգայի տիտղոսի համար։ Վճռական հանդիպում է, բոլորս գիտակցում ենք դրա կարեւորությունը եւ մտադիր ենք խաղադաշտում թողնել բոլոր ուժերը հանուն հաղթանակի։

Բարդ կլինի, հաշվի մեջ նրանց առավելությունը մեր մեղքն է։ Ամեն պարտություն Չեմպիոնների լիգայում աղետ է։ Հաշվի առնելով մեր դրությունը՝ դա եզրափակիչ է։ Մենք պետք է հաղթենք»,– Բելինգեմի խոսքը մեջբերում է Marca-ն։

Պատասխան հանդիպումը Մյունխենում տեղի կունենա ապրիլի 15–ին եւ կմեկնարկի Երեւանի ժամանակով 23։00–ին։

Մադրիդում Արքայական թիմը պարտվել էր 1։2 հաշվով։

Հետևեք NEWS.am SPORT-ին Facebook-ում, Twitter և Telegram-ում