ՉԼ․ «Բավարիան» հաղթեց «Ռեալին», «Արսենալը»՝ «Սպորտինգին» (տեսանյութ)

Ֆուտբոլի Չեմպիոնների լիգայի քառորդ եզրափակիչի առաջին խաղում Գերմանիայի չեմպիոն Մյունխենի «Բավարիան» հյուրընկալվեց Իսպանիայի փոխչեմպիոն Մադրիդի «Ռեալին» եւ հաղթեց 2:1 հաշվով (տեսանյութ)։

41-րդ րոպեին հանդիպման հաշիվը բացեց «Բավարիայի» կոլումբացի հարձակվող Լուիս Դիասը։

46-րդ րոպեին հյուրերի առավելությունը կրկնապատկեց անգլիացի հարձակվող Հարի Քեյնը։

74-րդ րոպեին հաշվի տարբերությունը կրճատեց «Ռեալի» ֆրանսիացի հարձակվող Կիլիան Մբապեն։

Հանդիպման լավագույն խաղացող է ճանաչվել «Բավարիայի» 40-ամյա դարպասապահ Մանուել Նոյերը, որը 9 սեյվ է կատարել։

Օրվա մյուս խաղում պորտուգալական «Սպորտինգն» ընդունեց Անգլիայի փոխչեմպիոն «Արսենալին» եւ պարտվեց 0:1 հաշվով։

Ավելացված առաջին րոպեին աչքի ընկավ գերմանացի հարձակվող Կայ Հավերցը (տեսանյութ)։

Հանդիպման լավագույն խաղացողի մրցանակին արժանացել է «Արսենալի» իսպանացի դարպասապահ Դավիդ Ռայան՝ 5 սեյվ։

Այս զույգերի պատասխան հանդիպումները տեղի կունենան ապրիլի 15-ին։

Հետևեք NEWS.am SPORT-ին Facebook-ում, Twitter և Telegram-ում