«Արսենալն» ուժեղ էր «Էվերտոնից», «Նյուքասլը»՝ «Չելսիից» (տեսանյութ)

Անգլիայի առաջնության 30-րդ տուրում փոխչեմպիոն Լոնդոնի «Արսենալը» հյուրընկալեց Լիվերպուլի «Էվերտոնին» եւ հաղթեց 2:0 հաշվով (տեսանյութ)։

89-րդ րոպեին հանդիպման հաշիվը բացեց Շվեդիայի հավաքականի հարձակվող Վիկտոր Դյոկերեշը։

Ավելացված 7-րդ րոպեին երկրորդ գոլը խփեց անգլիացի կիսապաշտպան Մաքս Դոումենը։

«Արսենալը» 70 միավորով գլխավորում է մրցաշարային աղյուսակը։

Աշխարհի ակումբային չեմպիոն Լոնդոնի «Չելսին» տանը 0:1 հաշվով պարտվեց «Նյուքասլ Յունայթեդին», որի կազմում 18-րդ րոպեին աչքի ընկավ անգլիացի հարձակվող Էնթոնի Գորդոնը (տեսանյութ)։

«Չելսին» 48 միավորով 5-րդն է, «Նյուքասլ Յունայթեդը» 9-րդն է՝ 42 միավոր։

Հետևեք NEWS.am SPORT-ին Facebook-ում, Twitter և Telegram-ում