10:05  ,  10 մարտի, 2026

«Մասթերս»․ Ալկարասն ու Ջոկովիչը չորրորդ շրջանում են

Աշխարհի առաջին ռակետ Կառլոս Ալկարասը դուրս եկավ ԱՄՆ-ի Ինդիան Ուելս քաղաքում անցկացվող «Մասթերս» մրցաշարի չորրորդ շրջան։

Իսպանացի թենիսիստը 6:7 (6:8), 6:3, 6:2 հաշվով պարտության մատնեց աշխարհի 28-րդ ռակետ, ֆրանսիացի Արթուր Ռինդերկնեշին։ Պայքարը տեւեց 2 ժամ եւ 27 րոպե։

Ալկարասի հաջորդ մրցակիցը կլինի աշխարհի 13-րդ ռակետ, նորվեգացի Կասպեր Ռուդը։

Աշխարհի երրորդ ռակետ, սերբ Նովակ Ջոկովիչը երրորդ շրջանում 6:4, 1:6, 6:4 հաշվով առավելության հասավ աշխարհի 72-րդ ռակետ, ամերիկացի Ալեքսանդր Կովաչեւիչի նկատմամբ։

Ջոկովիչը քառորդ եզրափակիչի ուղեգրի համար կմրցի աշխարհի 14-րդ ռակետ, բրիտանացի Ջեք Դրեյփերի հետ։

Ինդիան Ուելսի մրցաշարի մրցանակային հիմնադրամը 9,4 միլիոն դոլար է։

Հետևեք NEWS.am SPORT-ին Facebook-ում, Twitter և Telegram-ում

Print    |  In English

  • Related News

  • Latest news