Մահացել է օլիմպիական չեմպիոն Անատոլի Բոնդարչուկը

85 տարեկանում մահացել է մուրճի նետման օլիմպիական չեմպիոն, ուկրաինացի մարզիկ եւ մարզիչ Անատոլի Բոնդարչուկը, հաղորդում է sport.ua-ն։ Նա ապրում էր Կանադայում։

1972թ․ Մյունխենի Օլիմպիական խաղերում Անատոլի Բոնդարչուկը տիտղոսը նվաճել է օլիմպիական ռեկորդով՝ 75,50 մետր։ Դրանից առաջ նա նաեւ երկու համաշխարհային ռեկորդ է գրանցել 1969 թվականին՝ 74,68 մետր եւ 75,48 մետր։

Անատոլի Բոնդարչուկը դարձել է նաեւ 1976թ․ Օլիմպիական խաղերի բրոնզե մեդալակիր, 1969թ․ Եվրոպայի չեմպիոն, ԽՍՀՄ քառակի չեմպիոն (1969, 1970, 1972, 1973)։

Նա եղել է օլիմպիական չեմպիոն եւ աշխարհի ռեկորդակիր Յուրի Սեդիխի մարզիչը։

Հետևեք NEWS.am SPORT-ին Facebook-ում, Twitter և Telegram-ում