Ռուբեն Նազարեթյան․ Մեր հավաքականն ունակ է լուծելու այդ խնդիրը

Ֆուտզալի Հայաստանի ազգային հավաքականի գլխավոր մարզիչ Ռուբեն Նազարեթյանը մեկնաբանել է 2026 թվականի Եվրոպայի առաջնության խմբային փուլի վիճակահանության արդյունքները։ Հայաստանի ազգային հավաքականն ընդգրկված է B խմբում։ Մրցակիցներն են Լիտվան, Չեխիան և Ուկրաինան։

«Եվրոպայի առաջնությունում թույլ թիմեր չկան։ Սա ուժեղագույնների մրցաշար է։ Մենք էլ այդ ուժեղագույնների թվում ենք։ Փորձելու ենք ավելի լավ պատրաստվել, որպեսզի հասնենք մեր նպատակին՝ հաղթահարենք խմբային փուլը։ Մեր հավաքականն ունակ է լուծելու այդ խնդիրը»,- Ռուբեն Նազարեթյանի խոսքը մեջբերում է ՀՖՖ-ի կայքը։

Ֆուտզալի Եվրոպայի առաջնությունը տեղի կունենա հունվարի 21-ից փետրվարի 7-ը՝ Լատվիայում, Լիտվիայում և Սլովենիայում։

Հետևեք NEWS.am SPORT-ին Facebook-ում, Twitter և Telegram-ում