Արդյունավետության ռեկորդ Չեմպիոնների լիգայում

Չեմպիոնների լիգայում գրանցվել է մեկ տուրի հանդիպումների արդյունավետության ռեկորդ։

Հոկտեմբերի 21-22-ին տեղի ունեցած երրորդ տուրի 18 մրցախաղում գրանցվել է 71 գոլ։

Նախորդ ռեկորդը 18 խաղում 67 գոլն էր։

Երրորդ տուրից հետո առաջատարներն են 9-ական միավոր վաստակած Ֆրանսիայի չեմպիոն, գավաթակիր, սուպերգավաթակիր, տիտղոսը պաշտպանող ՊՍԺ-ն, Գերմանիայի չեմպիոն Մյունխենի «Բավարիան», Իտալիայի փոխչեմպիոն Միլանի «Ինտերը», Անգլիայի փոխչեմպիոն Լոնդոնի «Արսենալը» եւ Իսպանիայի փոխչեմպիոն Մադրիդի «Ռեալը»։

Դորտմունդի «Բորուսիան» ու անգլիական «Մանչեսթեր Սիթին» վաստակել են 7-ական միավոր։

Առաջին 8 թիմերը դուրս կգան 1/8 եզրափակիչ։ Մնացած 8 ուղեգրերի համար փլեյ-օֆֆում կպայքարեն 9-24-րդ տեղերը գրաված թիմերը։

The holders are after MD3#UCL pic.twitter.com/ykHaXQnryL

— UEFA Champions League (@ChampionsLeague) October 22, 2025

Հետևեք NEWS.am SPORT-ին Facebook-ում, Twitter և Telegram-ում