Կարեն Խաչանով․ Շատ լարված մրցախաղ էր

Աշխարհի 16-րդ ռակետ, ռուսաստանցի Կարեն Խաչանովը մեկնաբանել է հաղթանակը աշխարհի երրորդ ռակետ, Գերմանիայի ներկայացուցիչ Ալեքսանդր Զվերեւի նկատմամբ (6:3, 4:6, 7:6 (7:4)) Տորոնտոյի «Մասթերս» մրցաշարի կիսաեզրափակիչում։

«Ստիպված եղա բարձրացնել իմ խաղամակարդակը։ Հոգեբանության եւ ֆիզիոլոգիայի տեսանկյունից շատ ծանր մրցախաղ էր։ Այդ պատճառով շատ ուրախ եմ այս հաղթանակին Զվերեւից կրած մի քանի հեշտ պարտություններից հետո։ Այսօր շատ լարված մրցախաղ էր»,- Կարեն Խաչանովի խոսքը մեջբերում է Պրոֆեսիոնալ թենիսիստների ասոցիացիայի (ATP) կայքը։

Նախորդ երեք հանդիպումներում Խաչանովը պարտվել էր Զվերեւին։

Տորոնտոյի մրցաշարի եզրափակիչում Խաչանովի մրցակիցը կլինի աշխարհի 7-րդ ռակետ, ամերիկացի Բեն Շելթոնը։

Հետևեք NEWS.am SPORT-ին Facebook-ում, Twitter և Telegram-ում