Խճուղային հեծանվավազքի Հայաստանի չեմպիոնները

Արարատյան դաշտավայրի մայրուղիներում անցկացվել է խճուղային հեծանվավազքի  Հայաստանի առաջնությունը տարբեր տարիքային խմբերի 70 մարզիկ - մարզուհիների մասնակցությամբ:

Քառօրյա մրցումների երթուղիները տարբեր էին.   Էջմիածին - Ակնալիճ -Էջմիածին (25 կմ, անջատ մեկնարկ), Էջմիածին - Ակնալիճ - Սարդարապատ - Էջմիածին (70 կմ, խմբային մրցավազք), Արտաշատի խճուղի  - Ավշար - Արտաշատի խճուղի (80 կմ, պատանիներ, աղջիկներ), Հրազդանի կիրճ - Փափազյան փողոց (4 կմ, անջատ մեկնարկ), հաղորդում է ՀԱՕԿ-ի կայքը:

Բացարձակ չեմպիոնի կոչումը նվաճեցին  Վահե Վիրաբյանը և Անի Ավագյանը, որոնք հաղթող ճանաչվեցին երեքական փուլերում: Առաջինը ճանաչվեցին նաև երիտասարդներ Մարտին Շարբաթյանը, Գարեգին Շահվերդյանը, Ալեն Միրզոյանը, պատանիներ Էդվարդ Գրիգորյանը և Դավիթ Մաթևոսյանը:

Հունիսի 19-22-ը կանցկացվի հրապարակային հեծանվավազքի Հայաստանի առաջնությունը:

Հետևեք NEWS.am SPORT-ին Facebook-ում, Twitter և Telegram-ում