ՊՍԺ-ն երկրորդ անգամ կխաղա Չեմպիոնների լիգայի եզրափակիչում

Ֆրանսիայի չեմպիոն ՊՍԺ-ն պատմության մեջ երկրորդ անգամ հանդես կգա Չեմպիոնների լիգայի եզրափակիչում։

Իսպանացի Լուիս Էնրիկեի գլխավորած թիմը կիսաեզրափակիչում հաղթահարեց Անգլիայի փոխչեմպիոն Լոնդոնի «Արսենալի» արգելքը (1:0, 2:1):

Առաջին անգամ ՊՍԺ-ն Չեմպիոնների լիգայի եզրափակիչ էր հասել 2020-ին եւ 0:1 հաշվով պարտվել էր Մյունխենի «Բավարիային», որի կազմում աչքի էր ընկել ՊՍԺ-ի ֆրանսիացի սան Քինգսլի Քոմանը։

Այս մրցաշրջանի եզրափակիչում ՊՍԺ-ն կմրցի Իտալիայի չեմպիոն Միլանի «Ինտերի» հետ, որը կիսաեզրափակիչում պայքարից դուրս է թողել Իսպանիայի փոխչեմպիոն «Բարսելոնային» (3:3, 4:3):

Եզրափակիչը տեղի կունենա մայիսի 31-ին Մյունխենում։

Հետևեք NEWS.am SPORT-ին Facebook-ում, Twitter և Telegram-ում