ՉԼ․ «Բարսելոնա» - «Ինտեր»՝ 3:3. Մխիթարյանի գոլը չգրանցվեց (տեսանյութ)

Չեմպիոնների լիգայի կիսաեզրափակիչի առաջին խաղում Իսպանիայի փոխչեմպիոն «Բարսելոնան» ընդունեց Իտալիայի չեմպիոն Միլանի «Ինտերին»։ Գրանցվեց ոչ ոքի՝ 3:3:

30-րդ վայրկյանին հանդիպման հաշիվը բացեց միլանյան թիմի ֆրանսիացի հարձակվող Մարկուս Տյուրամը (տեսանյութ)։

21-րդ րոպեին հյուրերի առավելությունը կրկնապատկեց հոլանդացի պաշտպան Դենզել Դյումֆրիսը (տեսանյութ)։

24-րդ րոպեին հաշվի տարբերությունը կրճատեց «Բարսելոնայի» 17-ամյա եզրային հարձակվող Լամին Յամալը (տեսանյութ)։

38-րդ րոպեին կատալոնական թիմի երկրորդ գոլը խփեց իսպանացի հարձակվող Ֆերան Տորեսը (տեսանյութ)։

64-րդ րոպեին «Ինտերին» առաջ մղեց Դենզել Դյումֆրիսը՝ ձեւակերպելով դուբլ (տեսանյութ)։

65-րդ րոպեին բրազիլացի հարձակվող Ռաֆինյայի հարվածից հետո ինքնագոլ գրանցվեց «Ինտերի» շվեյցարացի դարպասապահ Յան Զոմերի անվան դիմաց (տեսանյութ)։

75-րդ րոպեին «Բարսելոնայի» դարպասը գրավեց Հայաստանի հավաքականի նախկին ավագ, կիսապաշտպան Հենրիխ Մխիթարյանը, սակայն գրանցվեց խաղից դուրս վիճակ (տեսանյութ)։

Պատասխան հանդիպումը տեղի կունենա մայիսի 6-ին։

Չեմպիոնների լիգա, կիսաեզրափակիչ, առաջին հանդիպում

«Բարսելոնա» - «Ինտեր»՝ 3:3

Լամին Յամալ, 24, Ֆերան Տորես, 38, Յան Զոմեր, 65, ինքնագոլ - Մարկուս Տյուրամ, 1, Դենզել Դյումֆրիս, 21, 64

Հետևեք NEWS.am SPORT-ին Facebook-ում, Twitter և Telegram-ում