ATP-500. Դանիիլ Մեդվեդեւը չկարողացավ դուրս գալ կիսաեզրափակիչ

Աշխարհի 6-րդ ռակետ Դանիիլ Մեդվեդեւը չկարողացավ  դուրս գալ Դուբայում անցկացվող ATP-500 մրցաշարի կիսաեզրափակիչ։ Ռուսաստանցի թենիսիստը 6:2, 6:7 (7:9), 5:7 հաշվով պարտվեց աշխարհի 47-րդ ռակետ, հոլանդացի Տալոն Գրիկսպորին։ Երկրորդ սեթում Մեդվեդեւը ուներ չորս մաթչբոլ եւ 4:1 առավեություն թայ-բրեյքի ժամանակ, սակայն պարտվեց։ Պայքարը տեւեց 2 ժամ եւ 37 րոպե։

Եզրափակիչի ուղեգրի համար Տալոն Գրիկսպորը կմրցի աշխարհի 11-րդ ռակետ, հույն Ստեֆանոս Ցիցիպասի հետ, որը 7:6 (7:5), 1:6, 6:4 հաշվով պարտության մատնեց աշխարհի 30-րդ ռակետ, իտալացի Մատեո Բերետինիին։

Դուբայի մրցաշարի մրցանակային հիմնադրամը 3,2 միլիոն դոլար է։

Հետևեք NEWS.am SPORT-ին Facebook-ում, Twitter և Telegram-ում