«Ինտերը» պարտվեց «Ֆիորենտինային» (տեսանյութ)

Իտալիայի առաջնության 14-րդ տուրի անավարտ մնացած խաղում (0:0) չեմպիոն «Ինտերը» հյուրընկալվեց «Ֆիորենտինային» եւ պարտություն կրեց 0:3 հաշվով։

2024թ․ դեկտեմբերի 1-ին այս հանդիպումը մնացել էր անավարտ, քանի որ Ֆլորենցիան ներկայացնող թիմի խաղացող Էդոարդո Բովեն կորցրել էր գիտակցությունը։ Հանդիպումը վերսկսվեց 17-րդ րոպեից։

«Ֆիորենտինայից» դուբլի հեղինակ դարձավ իտալացի հարձակվող Մոյզե Քինը։ Մրցակցի դարպասը գրավեց նաեւ իտալացի պաշտպան Լուկա Ռանիերին։

«Ինտերի» մեկնարկային կազմում էր նաեւ Հայաստանի հավաքականի նախկին ավագ, կիսապաշտպան Հենրիխ Մխիթարյանը, որը փոխարինվեց 69-րդ րոպեին։

«Ինտերը» 23 խաղից հետո 51 միավորով երկրորդն է եւ առաջատար «Նապոլիից» հետ է 3 միավոր։ «Ֆիորենտինան» չորրորդն է՝ 42 միավոր։

Իտալիայի առաջնություն, 14-րդ տուր

«Ֆիորենտինա» - «Ինտեր»՝ 3:0 

Լուկա Ռանիերի, 59, Մոյզե Քին, 68, 89

Հետևեք NEWS.am SPORT-ին Facebook-ում, Twitter և Telegram-ում