«Տոտենհեմը» 5-րդ լիգայի թիմին հաղթեց լրացուցիչ ժամանակում (տեսանյութ)

Անգլիայի գավաթի խաղարկության երրորդ շրջանում Լոնդոնի «Տոտենհեմը» հյուրընկալվեց 5-րդ լիգայում (Ազգային լիգա) հանդես եկող «Թամուորթին» եւ հաղթեց լրացուցիչ ժամանակում 3:0 հաշվով։

101-րդ րոպեին սեփական դարպասը գրավեց դաշտի տերերի անգլիացի պաշտպան Նեյթան Ցիկունան։ 107-րդ րոպեին աչքի ընկավ «Տոտենհեմի» շվեդ կիսապաշտպան Դեյան Կուլուշեւսկին, 118-րդ րոպեին՝ ուելսցի կիսապաշտպան Բրենան Ջոնսոնը։

«Տոտենհեմը» դուրս եկավ 1/16 եզրափակիչ։

Անգլիայի գավաթի խաղարկություն, 1/32 եզրափակիչ

«Թամուորթ» - «Տոտենհեմ»՝ 0:3 (0:0, 0:3)

Նեյթան Ցիկունա, 101, ինքնագոլ, Դեյան Կուլուշեւսկի, 107, Բրենան Ջոնսոն, 118

Հետևեք NEWS.am SPORT-ին Facebook-ում, Twitter և Telegram-ում