«Մանչեսթեր Յունայթեդի» կամային հաղթանակը «Մանչեսթեր Սիթիի» նկատմամբ (տեսանյութ)

Անգլիայի առաջնության 16-րդ տուրում չեմպիոն «Մանչեսթեր Սիթին» ընդունեց «Մանչեսթեր Յունայթեդին», որը կամային հաղթանակ տարավ 2:1 հաշվով։

36-րդ րոպեին հանդիպման հաշիվը բացեց «Մանչեսթեր Սիթիի» խորվաթ պաշտպան Յոշկո Գվարդիոլը։

«Մանչեսթեր Յունայթեդը» հավասարությունը վերականգնեց 88-րդ րոպեին պորտուգալացի կիսապաշտպան Բրունու Ֆերնանդեշի իրացրած 11-մետրանոցի շնորհիվ։

90-րդ րոպեին հյուրերի հաղթական գոլը խփեց կոտդիվուարցի հարձակվող Ամադ Դիալոն։

«Մանչեսթեր Սիթին» 27 միավորով 5-րդն է, «Մանչեսթեր Յունայթեդն» ունի 22 միավոր եւ 12-րդն է։

Անգլիայի առաջնություն, 16-րդ տուր

«Մանչեսթեր Սիթի» - «Մանչեսթեր Յունայթեդ»՝ 1:2 

Յոշկո Գվարդիոլ, 36 - Բրունու Ֆերնանդեշ, 88, 11մ, Ամադ Դիալո, 90

Հետևեք NEWS.am SPORT-ին Facebook-ում, Twitter և Telegram-ում