«Ռեալը» պարտության մատնեց «Ալավեսին»՝ 3:2 (տեսանյութ)

Իսպանիայի առաջնության 7-րդ տուրում չեմպիոն «Ռեալն» ընդունեց «Ալավեսին» եւ հաղթեց 3:2 հաշվով։

Արդեն առաջին րոպեին բրազիլացի հարձակվող Վինիսիուս Ժունիորի փոխանցումից հետո աչքի ընկավ իսպանացի պաշտպան Լուկաս Վասկեսը։ 40-րդ րոպեին Արքայական թիմի առավելությունը կրկնապատկեց ֆրանսիացի հարձակվող Կիլիան Մբապեն, որին գոլային փոխանցում կատարեց անգլիացի կիսապաշտպան Ջուդ Բելինգեմը։ 48-րդ րոպեին հաշիվը 3:0 դարձրեց բրազիլացի հարձակվող Ռոդրիգոն։ Նրան գոլային փոխանցում կատարեց Լուկաս Վասկեսը։

85-րդ եւ 86-րդ րոպեներին հյուրերը կարողացան երկու գոլ խփել։ Բելգիացի Տիբո Կուրտայի պաշտպանած դարպասը գրավեցին ուրուգվայցի կիսապաշտպան Կառլոս Բենավիդեսը եւ իսպանացի հարձակվող Կիկեն։

«Ռեալը» 300-րդ հանդիպումն անցկացրեց իտալացի գլխավոր մարզիչի Կառլո Անչելոտիի ղեկավարությամբ։

«Ռեալը» 17 միավորով երկրորդն է եւ 1 միավոր է հետ առաջատար «Բարսելոնայից», որը մեկ հանդիպում քիչ է անցկացրել։ «Ալավեսը» 8-րդն է՝ 10 միավոր։

Իսպանիայի առաջնություն, 7-րդ տուր

«Ռեալ Մադրիդ» - «Ալավես»՝ 3:2 

Լուկաս Վասկես, 1, Կիլիան Մբապե, 40, Ռոդրիգո, 48 - Կառլոս Բենավիդես, 85, Կիկե, 86

Հետևեք NEWS.am SPORT-ին Facebook-ում, Twitter և Telegram-ում