«Միլանն» ուժեղ էր «Ինտերից» (տեսանյութ)

Իտալիայի առաջնության 5-րդ տուրում չեմպիոն «Ինտերն» ընդունեց փոխչեմպիոն «Միլանին», որն առավելության հասավ 2:1 հաշվով։

10-րդ րոպեին հանդիպման հաշիվը բացեց «Միլանի» ամերիկացի հարձակվող Կրիստիան Պուլիշիչը։

28-րդ րոպեին հավասարությունը վերականգնեց «Ինտերի» իտալացի պաշտպան Ֆեդերիկո Դիմարկոն, որին գոլային փոխանցում կատարեց արգենտինացի հարձակվող Լաուտարո Մարտինեսը։

Հայաստանի հավաքականի նախկին ավագ, կիսապաշտպան Հենրիխ Մխիթարյանն «Ինտերի» մեկնարկային կազմում էր եւ փոխարինվեց 63-րդ րոպեին։

89-րդ րոպեին «Միլանի» հաղթական գոլը խփեց իտալացի պաշտպան Մատեո Գաբիան։

«Ինտերը» 8 միավորով 6-րդն է, «Միլանը» նույնքան միավորով 7-րդ տեղում է։

Իտալիայի առաջնություն, 5-րդ տուր

«Ինտեր» - «Միլան»՝ 1:2 (տեսանյութ)

Ֆեդերիկո Դիմարկո, 28 - Կրիստիան Պուլիշիչ, 10, Մատեո Գաբիա, 89

Հետևեք NEWS.am SPORT-ին Facebook-ում, Twitter և Telegram-ում