31-ամյա նիգերիացի հարձակվող Յուսուֆ Օտուբանջոն 30-րդ գոլն է խփել «Փյունիկի» կազմում Հայաստանի առաջնություններում, հաղորդում է Հայաստանի Պրեմիեր լիգայի ֆեյսբուքյան էջը։
26-րդ տուրում «Փյունիկը» Օտուբանջոյի գոլի շնորհիվ 1:1 հաշվով էր խաղացել «Նոայի» հետ։
Այդ գոլը 90-րդն է Յուսուֆ Օտուբանջոյի ֆուտբոլային կարիերայում։
Գոլերից 64-ը նիգերիացի հարձակվողը խփել է հայկական ակումբներում անցկացրած պաշտոնական մրցումներում, 26 անգամ էլ աչքի է ընկել արտերկրի թիմերում։
Հետևեք NEWS.am SPORT-ին Facebook-ում, Twitter և Telegram-ում