«Արարատի» ֆուտբոլիստ Արմեն Նահապետյանը վիրահատության է ենթարկվել:
Վիրահատությունը հաջող է անցել: Այժմ ֆուտբոլիստին սպասում է վերականգնողական փուլ, որն ըստ նախնական տվյալների երկուսից երեք ամիս կտևի, հաղորդում է երեւանյան ակումբի ֆեյսբուքյան էջը:
24-ամյա ֆուտբոլիստը մարտի 15-ին Գյումրիի «Շիրակի» դեմ Հայաստանի առաջնության 25-րդ տուրի տնային խաղում անրակի կոտրվածք էր ստացել եւ փոխարինվել էր 19-րդ րոպեին։ «Արարատը» «Շիրակին» հաղթել էր 2:0 հաշվով։
Արմեն Նահապետյանը Հայաստանի ընթացիկ առաջնությունում մասնակցել է 21 հանդիպման և դարձել է 3 գոլի հեղինակ:
Հետևեք NEWS.am SPORT-ին Facebook-ում, Twitter և Telegram-ում