Իտալիայի Ա Սերիայի առաջատար Միլանի «Ինտերի» 26-ամյա ֆրանսիացի հարձակվող Մարկուս Տյուրամը աջ ազդրի մկանային վնասվածք է ստացել Մադրիդի «Աթլետիկոյի» դեմ Չեմպիոնների լիգայի 1/8 եզրափակիչի առաջին խաղում, հաղորդում է Sky Sport Italia-ն։
Ընդմիջմանը Մարկուս Տյուրամին փոխարինել էր ավստրիացի հարձակվող Մարկո Արնաուտովիչը, որն էլ խփել էր հաղթական գոլը։ «Ինտերն» առավելության է հասել 1:0 հաշվով։
Ընթացիկ մրցաշրջանում Տյուրամն «Ինտերի» հետ մասնակցել է 33 հանդիպման, խփել է 12 գոլ, կատարել 11 գոլային փոխանցում։
Պատասխան հանդիպումը տեղի կունենա մարտի 13-ին։
Հետևեք NEWS.am SPORT-ին Facebook-ում, Twitter և Telegram-ում