ԵԱ․ Պոկում վարժությունից հետո Վարազդատ Լալայանը փոքր ոսկե մեդալակիր է, Լաշա Տալախաձեն հրաժարվեց պայքարից

Բուլղարիայի մայրաքաղաք Սոֆիայում մեկնարկել է ծանրամարտի Եվրոպայի առաջնության տղամարդկանց +109 կգ քաշայինների A խմբի պայքարը, որտեղ Հայաստանն ունի երկու մասնակից:

Տիտղոսի համար պայքարում են աշխարհի եւ Եվրոպայի փոխչեմպիոն Վարազդատ Լալայանը եւ կրկնակի օլիմպիական փոխչեմպիոն, աշխարհի եւ Եվրոպայի կրկնակի չեմպիոն Սիմոն Մարտիրոսյանը:

Ավարտվել է պոկում վարժության մրցումը, որտեղ առաջատարը Վարազդատ Լալայանն է:

Նա նվաճեց փոքր ոսկե մեդալը 205 կգ արդյունքով: Սիմոն Մարտիրոսյանը 190 կգ-ով 3-րդն է:

Այս քաշային կարգում հայտավորված է 11 ծանրորդ: Կրկնակի օլիմպիական չեմպիոն, 7-ակի աշխարհի եւ 7-ակի Եվրոպայի չեմպիոն, վրացի Լաշա Տալախաձեն հրաժարվեց պայքարից:

Ընդմիջում է:

Հետևեք NEWS.am SPORT-ին Facebook-ում, Twitter և Telegram-ում