Եվրոպայի նորընծա չեմպիոն Արման Անդրեասյանը ֆեյսբուքյան գրառումով մեկնաբանել է հաղթանակը։
Բուխարեստում անցկացված ազատ ոճի ըմբշամարտի Եվրոպայի առաջնությունում Արման Անդրեասյանը, 4 հաղթական գոտեմարտ անցկացնելով, մարզական կարիերայում առաջին անգամ նվաճեց չեմպիոնի տիտղոսը:
«Շատ ուրախ եմ, որ ինձ մոտ ստացվեց դառնալ Եվրոպայի առաջնության հաղթող: Ունեի արծաթե և բրոնզե մեդալները, և ցանկությունը շատ մեծ էր նվաճել նաև ոսկին:
Շնորհակալ եմ Աստծուն, որ ինձ տվեց հնարավորություն հասնելու նպատակիս:
Եվ իհարկե շատ մեծ է և կարևոր մարզիչներիս, իմ գլխավոր մարզչի՝ Ռաֆիկ Գոլեցյանի դերը և կատարած աշխատանքը, ինչպես նաև հավաքականի մարզիչների դերը:
Շնորհակալ եմ ինձ հետ մարզվող իմ թիմից և ընկերներից, ուրախ եմ, որ ունեմ ինձ համար սրտացավ և ոգեշնչող թիմ, այս հաղթանակս իրական թիմային աշխատանքի արդյունք է:
Շնորհակալ եմ բոլորիդ շնորհավորանքների և ջերմ խոսքերի համար»,- գրել է Արման Անդրեասյանը։
NEWS.am Sport-ի թղթակցի հետ զրույցում Ռումինիայից Արման Անդրեասյանը նշել էր, որ հաղթանակը նվրում է 44-օրյա պատերազմում անմահացած եղբոր՝ Տարոն Անդրեասյանին եւ բոլոր զինվորներին, որոնք պահպանում են մեր սահմանները:
Հետևեք NEWS.am SPORT-ին Facebook-ում, Twitter և Telegram-ում
02:21 , 9 մայիսի 
02:12 , 9 մայիսի 
01:01 , 9 մայիսի 
00:28 , 9 մայիսի 
23:47 , 8 մայիսի 
22:41 , 8 մայիսի 
21:56 , 8 մայիսի 
21:15 , 8 մայիսի 
20:51 , 8 մայիսի 
20:10 , 8 մայիսի 
