«Ինտեր»․ Միասին վերապրենք Մխիթարյանի խաղը (տեսանյութ)

Իտալիայի գավաթակիր եւ սուպերգավաթակիր Միլանի «Ինտերը» առանձին տեսանյութով ներկայացրել է Հայաստանի հավաքականի նախկին ավագ, կիսապաշտպան Հենրիխ Մխիթարյանի երկու գոլն ու գոլային փոխանցումը միլանյան դերբիում՝ առաջարկելով միասին վերապրել պահերը։

Իտալիայի առաջնության  չորրորդ տուրի խաղում «Ինտերը» «Միլանին» հաղթել էր 5:1 հաշվով։ 

«Ինտերը» պատմության մեջ առաջին անգամ 5 անընդմեջ հաղթանակ տարավ «Միլանի» նկատմամբ։

Իտալացի Սիմոնե Ինձագիի գլխավորած թիմը «Միլանին» նախորդ 5 խաղում հաղթել է 12:1 ընդհանուր հաշվով։

2023 թվականին «Ինտերը» Իտալիայի առաջնությունում «Միլանին» հաղթել է 1:0 եւ 5:1, Իտալիայի Սուպերգավաթի խաղում՝ 3:0, Չեմպիոնների լիգայի կիսաեզրափակիչում՝ 2:0 եւ 1:0 հաշվով։

Հետևեք NEWS.am SPORT-ին Facebook-ում, Twitter և Telegram-ում