G R Ø N B Æ K pic.twitter.com/V4wREc2ytY
— FK Bodø/Glimt (@Glimt) August 10, 2023
Ֆուտբոլի Կոնֆերենցիաների լիգայի որակավորման երրորդ փուլի առաջին խաղում Հայաստանի փոխչեմպիոն «Փյունիկը» հյուրընկալվեց նորվեգական «Բուդյո-Գլիմտին»։ Եղիշե Մելիքյանի գլխավորած թիմը պարտություն կրեց 0:3 հաշվով։
6-րդ րոպեին խաղի հաշիվը բացեց դանիացի կիսապաշտպան Ալբերտ Գրյոնբեկը (տեսանյութ)։
10-րդ րոպեին վնասվածք ստացավ Հայաստանի հավաքականի կիսապաշտպան Հովհաննես Հարությունյանը, որին փոխարինեց պաշտպան Դավիթ Դավիդյանը։
31-րդ րոպեին դաշտի տերերի առավելությունը կրկնապատկեց կամերունցի հարձակվող Ֆարիս Մումբանան (տեսանյութ)։
56-րդ րոպեին «Բուդյո-Գլիմտի» երրորդ գոլը խփեց նորվեգացի հարձակվող Ամալ Պելեգրինոն (տեսանյութ)։
«Բուդյո-Գլիմտը» 7 հարված կատարեց Ստանիսլավ Բուչնեւի պաշտպանած դարպասին, «Փյունիկը» մրցակցի դարպասին ոչ մի հարված չկատարեց։
Պատասխան հանդիպումը Երեւանում տեղի կունենա օգոստոսի 17-ին։ Այս զույգի հաղթողը հաջորդ փուլում կմրցի ռումինական «Սեպսիի» եւ ղազախական «Ակտոբեի» դիմակայության հաղթողի հետ։
Կոնֆերենցիաների լիգա, որակավորման երրորդ փուլ, առաջին խաղ
«Բուդյո-Գլիմտ» (Նորվեգիա) - «Փյունիկ» (Հայաստան)՝ 3:0
Ալբերտ Գրյոնբեկ, 6, Ֆարիս Մումբանա, 31, Ամալ Պելեգրինո, 56
Pelle + Faris = mål pic.twitter.com/Z2PhZ2q7r1
— FK Bodø/Glimt (@Glimt) August 10, 2023
Հետևեք NEWS.am SPORT-ին Facebook-ում, Twitter և Telegram-ում