Աշխարհի 6-րդ ռակետ Օնս Ժաբերը դուրս եկավ Ուիմբլդոնի մրցաշարի կիսաեզրափակիչ։ Թունիսցի թենիսիստուհին մրցեց աշխարհի երրորդ ռակետ, Ղազախստանի ներկայացուցիչ Ելենա Ռիբակինայի հետ, որը պաշտպանում էր անցած տարի նվաճած տիտղոսը Ուիմբլդոնում։
Ժաբերն առավելության հասավ 6:7 (5:7), 6:4, 6:1 եւ եզրափակիչի ուղեգրի համար կմրցի աշխարհի երկրորդ ռակետ Արինա Սաբալենկայի հետ, որը 6:2, 6:4 հաշվով պարտության էր մատնել աշխարհի 18-րդ ռակետ, ամերիկացի Մեդիսոն Քիսին։
Կիսաեզրափակիչի առաջին զույգը նախորդ օրը կազմել էին աշխարհի 76-րդ ռակետ, ուկրաինացի Էլինա Սվիտոլինան եւ աշխարհի 42-րդ ռակետ, չեխ Մարկետա Վոնդրոուշովան։
Սվիտոլինան 7:5, 6:7 (5:7), 6:2 հաշվով հաղթել էր աշխարհի առաջին ռակետ, լեհ Իգա Շվյոնտեկին։ Մարկետա Վոնդրոուշովան 6:4, 2:6, 6:4 հաշվով պարտության էր մատնել աշխարհի չորրորդ ռակետ Ջեսիկա Պեգուլային։
«Ուիմբլդոնի» մրցանակային հիմնադրամը 44,7 միլիոն ֆունտ ստերլինգ է։
Հետևեք NEWS.am SPORT-ին Facebook-ում, Twitter և Telegram-ում