«Մանչեսթեր Սիթին» դուրս եկավ Անգլիայի գավաթի խաղարկության կիսաեզրափակիչ։ Կատալոնացի Խոսեպ Գվարդիոլայի գլխավորած թիմը տանը մրցեց «Բարնլիի» հետ եւ առավելության հասավ 6:0 հաշվով։
Հեթ-տրիկի հեղինակ դարձավ նորվեգացի հարձակվող Էրլինգ Հոլանդը, դուբլի հեղինակ՝ արգենտինացի հարձակվող Խուլիան Ալվարեսը։ Գոլ խփեց նաեւ կիսապաշտպան Քոուլ Փալմերը։
Քառորդ եզրափակիչի մյուս հանդիպումները տեղի կունենան մարտի 19-ին։ «Մանչեսթեր Յունայթեդը» կընդունի «Ֆուլհեմին», «Բրայթոնը»՝ «Գրիմսբիին», «Շեֆիլդ Յունայթեդը»՝ «Բլեքբերնին»։
Անգլիայի գավաթ, քառորդ եզրափակիչ
«Մանչեսթեր Սիթի» - «Բարնլի»՝ 6:0 (տեսանյութ)
Էրլինգ Հոլանդ, 32, 35, 59, Խուլիան Ալվարես, 62, 73, Քոուլ Փալմեր, 68
Հետևեք NEWS.am SPORT-ին Facebook-ում, Twitter և Telegram-ում