Աշխարհի չեմպիոն Ֆրանսիայի հավաքականի գլխավոր մարզիչ Դիդիե Դեշամը նշել է, թե ինչ է վճռորոշ կլինի Արգենտինայի հետ աշխարհի առաջնության եզրափակիչում։
«Արգենտինայի այս հավաքականը տարբերվում է այն թիմից, որի հետ չորս տարի առաջ խաղացել ենք աշխարհի առաջնությունում։ Մենք ունենք երկու կազմ գերազանց որակներով։ Առանցքային ֆուտբոլիստները պետք է որոշիչ դեր ունենա։
Հնարավոր է՝ կհաղթի այն թիմը, որն ավելի քիչ սխալ թույլ կտա։ Բայց հստակ է, որ թիմերից մեկը կստանա երրորդ աստղը խաղաշապիկին»,- Դեշամի խոսքը մեջբերում է Evening Standard-ը։
2018թ․ աշխարհի առաջնության 1/8 եզրափակիչում Ֆրանսիան Արգենտինային հաղթել էր 4:3 հաշվով։
Եզրափակիչը տեղի կունենա դեկտեմբերի 18-ին եւ կմեկնարկի Երեւանի ժամանակով 19:00-ին։
Հետևեք NEWS.am SPORT-ին Facebook-ում, Twitter և Telegram-ում