Մալխաս Ամոյանի պարգեւատրումը աշխարհի առաջնությունում (տեսանյութ)

Սերբիայի մայրաքաղաք Բելգրադի «Ստարկ» մարզապալատում տեղի ունեցավ հունահռոմական ըմբշամարտի աշխարհի առաջնության 77 կգ քաշայինների պարգեւատրման արարողությունը (տեսանյութ): 23-ամյա Մալխաս Ամոյանը պարգեւատրվեց բրոնզե մեդալով:

Այս քաշային կարգում չեմպիոնի կոչումը նվաճեց Ղրղզստանի ներկայացուցիչ Ակժոլ Մահմուդովը, արծաթե մեդալակիր՝ Զոլտան Լեւայի( Հունգարիա), երկրորդ բրոնզե մեդալը նվաճեց Յունուս Էմրե Բաշարը (Թուրքիա):

Մալխաս Ամոյանը բրոնզե մեդալի համար գոտեմարտում 7:1 հաշվով հաղթել էր աշխարհի չեմպիոն, սերբ Վիկտոր Նեմեշին:

Հիշեցնենք, որ մեկնարկային գոտեմարտում Եվրոպայի գործող չեմպիոնը պարտվել էր հունգարացի Լեւային: Երկու սփոփիչ գոտեմարտերում հաղթելուց հետո Ամոյանն իրավունք էր ստացել բրոնզե մեդալի համար գոտեմարտ անցկացնել:

Հետևեք NEWS.am SPORT-ին Facebook-ում, Twitter և Telegram-ում