Ձյուդոյի Հայաստանի երիտասարդական հավաքականը մարզիչ Դավիթ Խաչատրյանի ղեկավարությամբ մարտի 24-ին Վրաստանի Գորի քաղաքից կմեկնի Աթենք:
Մարտին Բադալյանը (60 կգ), Դավիթ Աբրահամյանը, Ստյոպա Դարբինյանը (երկուսն էլ՝ 66 կգ), Արտակ Թորոսյանը և Անդրեաս Հարությունյանը (երկուսն էլ՝ 73 կգ) մարտի 26-ից կմասնակցեն Եվրոպայի երիտասարդական գավաթի խաղարկությունը, հաղորդում է ԿԳՄՍ-ի կայքը:
Գավաթի խաղարկության ավարտից հետո ձյուդոիստներն Աթենքում կմասնակցեն եռօրյա մարզական ճամբարի:
Հայաստանի հավաքականը գլխավոր մարզիչ Հովհաննես Դավթյանի ղեկավարությամբ Գորիում անցկացնում էր ուսումնամարզական հավաք։
Հետևեք NEWS.am SPORT-ին Facebook-ում, Twitter և Telegram-ում