Zlatan Ibrahimović scored his 400th career league goal against Roma this morning, also bringing his total to 150 in Serie A.
— EPL Fans New Zealand (@nz_epl) October 31, 2021
This man just won’t slow down
pic.twitter.com/fwCkPq34J4
Իտալիայի առաջնության 11-րդ տուրի խաղում «Միլանը» Հռոմի «Օլիմպիական» ստադիոնում մրցեց «Ռոմայի» հետ։ Պորտուգալացի Ժոզե Մոուրինյոյի գլխավորած թիմը պարտություն կրեց 1։2 հաշվով։
26-րդ րոպեին տուգանայինից գերազանց գոլի հեղինակ դարձավ հյուրերի 40-ամյա շվեդ հարձակվող Զլատան Իբրահիմովիչը՝ խփելով 150-րդ գոլն Իտալիայի առաջնությունում եւ 400-րդը ազգային լիգաներում։
Zlatan Ibrahimović keeps reaching new milestones at the age of 40.
— UEFA Champions League (@ChampionsLeague) October 31, 2021
150 goals scored in Serie A
400 goals in domestic leagues#UCL pic.twitter.com/FUQsmMOH9I
Հայաստանի հավաքականի կիսապաշտպան Հենրիխ Մխիթարյանը «Ռոմայի» մեկնարկային կազմում էր, սակայն երկրորդ խաղում անընդմեջ փոխարինվեց ընդմիջմանը։ Նրա փոխարեն խաղադաշտ դուրս եկավ Գանան ներկայացնող հարձակվող Ֆելիքս Աֆենա-Գյանը։
50-րդ րոպեին Իբրահիմովիչը երկրորդ անգամ գրավեց «Ռոմայի» դարպասը, սակայն VAR-ը ցույց տվեց խաղից դուրս վիճակ։ Գոլը չգրանցվեց։
57-րդ րոպեին «Միլանը» Իբրահիմովիչի նկատմամբ խախտման համար ստացավ 11 մետրանոց հարվածի իրավունք, որն արդյունավետ իրացրեց կոտդիվուարցի կիսապաշտպան Ֆրանկ Կեսիեն։
Վերջնամասը հյուրերն անցկացրին 10 ֆուտբոլիստներով։ Երկրորդ դեղին քարտի համար հեռացվեց ֆրանսիացի պաշտպան Տեո Էրնանդեսը։ Իտալացի Ստեֆանո Պիոլիի գլխավորած թիմը մեկ գոլ բաց թողեց ավելացված ժամանակում, բայց կարողացավ պահպանել հաղթական հաշիվը։ «Ռոմայից» աչքի ընկավ իտալացի հարձակվող Ստեֆան Էլ Շաարավին։
«Միլանը» 31 միավորով դարձյալ հավասարվեց առաջատար «Նապոլիին» եւ գոլերի տարբերությամբ երկրորդն է։ «Ռոման» ունի 19 միավոր եւ 5-րդն է։
Իտալիայի առաջնություն, 11-րդ տուր
«Ռոմա» - «Միլան»՝ 1։2 (տեսանյութ)
Ստեֆան Էլ Շաարավի, 90+3 - Զլատան Իբրահիմովիչ, 26, Ֆրանկ Կեսիե, 57, 11մ
Հեռացում՝ Տեո Էրնանդես («Միլան»), 66, երկրորդ դեղին քարտ
Questa sera all'Olimpico siamo in 51.001
— AS Roma (@OfficialASRoma) October 31, 2021
FORZA ROMA! #RomaMilan pic.twitter.com/OTp2sBMsXQ
Mr Majestic has done it again #RomaMilan #SempreMilan pic.twitter.com/BLniXNYqXT
— AC Milan (@acmilan) October 31, 2021
Հետևեք NEWS.am SPORT-ին Facebook-ում, Twitter և Telegram-ում