ՈւԵՖԱ․ Մբապեի գոլի դրվագում մրցավարն ընդունեց ճիշտ որոշում, սակայն կանոնի ոգուն հակառակ

ՈւԵՖԱ-ի մրցվարական կոմիտեի նախագահ Ռոբերտո Ռոզետին մեկնաբանել է Ազգերի լիգայի եզրափակիչում ֆրանսիացի հարձակվող Կիլիան Մբապեի հաղթական գոլի դրվագում խաղից դուրս վիճակը։ Ֆրանսիան 2։1 հաշվով հաղթել էր Իսպանիային։

«Այդ հանդիպման մրցավար Էնթոնի Թեյլորը գործող կանոնների եւ պաշտոնապես ընդունված մեկնաբանության հիմա վրա ճիշտ որոշում ընդունեց։ Պաշտպանը միջամտեց խաղին, որպեսզի կասեցնի գնդակը, իսկ հարձակվողը խաղին չէր միջամտում։

Մրցավարն ընդունեց ճիշտ որոշում, սակայն կանոնի ոգուն հակառակ։ ՈւԵՖԱ-ն կարծում է, որ պետք է փոփոխություն կատարվի»,- Ռոզետիի խոսքը մեջբերում է ՈւԵՖԱ-ի մամուլի ծառայությունը։

Հիշեցնենք, որ փոխանցման պահին Մբապեն եղել էր ակնհայտ խաղից դուրս վիճակում, սակայն իսպանացիների պաշտպան Էրիկ Գարսիան ձախ ոտքով փորձել էր հեռացնել գնդակը հպում էր ունեցել։

Հետևեք NEWS.am SPORT-ին Facebook-ում, Twitter և Telegram-ում