Իսպանական «Ռայո Վալյեկանոն» ներկայացրել է թիմի նորեկ, կոլումբացի հարձակվող Ռադամել Ֆալկաոյին:
Կոլումբիայի հավաքականի 35-ամյա ֆուտբոլիստը նոր թիմում հանդես կգա 3 համարի մարզաշապիկով: Վերջերս նա մեկ տարվա պայմանագիր էր կնքել Լա Լիգայում հանդես եկող ակումբի հետ, որին միացել է ազատ գործակալի կարգավիճակում:
Ֆալկաոյի նախորդ ակումբն էր թուրքական «Գալաթասարայը», որին նա միացել էր 2019-ին: Թուրքիայի ավարտված առաջնությունում հարձակվողն անցկացրել է 17 հանդիպում, դարձել 9 գոլի ու 2 գոլային փոխանցման հեղինակ:
Իսպանիայում Ֆալկաոն 2011-2013-ը հանդես է եկել Մադրիդի «Աթլետիկոյում»: Եվրոպայում նա խաղացել է նաև պորտուգալական «Պորտուում», «Մոնակոյում», անգլիական «Մանչեսթեր Յունայթեդում» ու «Չելսիում»: Բոլոր թիմերում հանդես է եկել 9 համարի մարզաշապիկով:
View this post on Instagram
View this post on Instagram
View this post on Instagram
Հետևեք NEWS.am SPORT-ին Facebook-ում, Twitter և Telegram-ում