Անգլիայի առաջնության 31-րդ տուրի խաղում «Տոտենհեմը» Լոնդոնում կընդունի «Մանչեսթեր Յունայթեդին»։ Բուքմեյքերները կանխատեսում են նորվեգացի Ուլե-Գունար Սուլշերի գլխավորած թիմի հաղթանակը, որի գործակիցը 2․50 է։
Պորտուգալացի Ժոզե Մոուրինյոյի գլխավորած «Տոտենհեմի» հաղթանակի հավանականությունը գնահատվում է 2․80 գործակցով, ոչ ոքին՝ 3․50։
Պրեմիեր լիգայի առաջին շրջանում «Տոտենհեմը» Մանչեսթերում հաղթել է 6։1 հաշվով։
30 տուրից հետո «Մանչեսթեր Յունայթեդը» 60 միավորով երկրորդն է, «Տոտենհեմն» ունի 49 միավոր եւ 7-րդն է։
«Տոտենհեմ» - «Մանչեսեր Յունայթեդ» հանդիպումը կմեկնարկի Երեւանի ժամանակով 19։30-ին։
Հետևեք NEWS.am SPORT-ին Facebook-ում, Twitter և Telegram-ում