Բասկետբոլի ազգային ասոցիացիայի (NBA) գործող չեմպիոն «Լոս Անջելես Լեյքերսի» առաջատար Լեբրոն Ջեյմսը որոշել է վաճառել Լոս Անջելեսում գտնվող առանձնատունը:
TMZ-ի համաձայն՝ Բենտվուդ թաղամասում գտնվող առանձնատունը վաճառվում է 20.5 միլիոն դոլարով: 36-ամյա բասկետբոլիստն այն 2015-ին գնել էր 20.9 միլիոն դոլարով:
Առանձնատունն ունի 882,5 ք/մ, 6 ննջարան, 8 լոգասենյակ, մեդիա սրահ, մարզասրահ, լողավազան և այլն: Վաճառքի պատճառները չեն նշվում:
Հիշեցնենք, որ Լեբրոն Ջեյմսը NBA-ի ամենաբարձր վարձատրվող խաղացողն է: Forbes-ը նրա կարողությունը գնահատում է մոտ 1 միլիարդ դոլար:
Հետևեք NEWS.am SPORT-ին Facebook-ում, Twitter և Telegram-ում