«Բարսելոնայի» գերմանացի դարպասապահ Մարկ-Անդրե Տեր Շտեգենն առաջարկներ ունի Լոնդոնի «Չելսիից» եւ Գերմանիայի չեմպիոն Մյունխենի «Բավարիայից», հաղորդում է Cadena SER-ը։
Կատալոնական ակումբի եւ Տեր Շտեգենի բանակցությունները պայմանագրի երկարաձգման վերաբերյալ դեռ արդյունք չեն տվել։ Ֆուտբոլիստը ցանկանում է ստանալ տարեկան 10 միլիոն եվրո, «Բարսելոնան» առաջարկում է 6,3 միլիոն եվրո։
Իսպանիայի ավարտված առաջնությունում Տեր Շտեգենը մասնակցել է 36 հանդիպման, 12 խաղում դարպասը պահել է անառիկ։
28-ամյա Տեր Շտեգենի պայմանագիրն Իսպանիայի փոխչեմպիոնի հետ նախատեսված է մինչև 2022 թվականի հունիս:
Հետևեք NEWS.am SPORT-ին Facebook-ում, Twitter և Telegram-ում