Իտալիայում հաջորդ մրցաշրջանը պետք է մեկնարկի սեպտեմբերի 1-ին, հաղորդում է Իտալիայի ֆուտբոլի ֆեդերացիայի պաշտոնական կայքը։ Մայիսի 20-ին Ֆեդերացիայի խորհրդի տեսակոնֆերանսում որոշում է ընդունվել առաջին երեք լիգաներում մրցաշրջանն ավարտել մինչեւ օգոստոսի 20-ը, իսկ հաջորդ մրցաշրջանը սկսել արդեն 11 օր անց։
Կորոնավիրուսի պանդեմիայի հետեւանքով դադարեցված մրցաշրջանի վերսկսման հնարավորության վերաբերյալ խորհուրդը նիստ կանցկացնի հունիսին։ Իտալիայի կառավարությունն արգելել է մարզական միջոցառումները մինչեւ հունիսի 14-ը։
Իտալիայի ֆուտբոլային թիմերն արդեն վերսկսել են մարզումները մարզաբազաներում։
Հետևեք NEWS.am SPORT-ին Facebook-ում, Twitter և Telegram-ում