ՈւԵՖԱ-ն բանակցում է Relevent Sports ընկերության հետ նոր ամառային մրցաշար ստեղծելու նպատակով, տեղեկացնում է Daily Mail-ը:
Նոր մրցաշարը պետք է անցկացվի International Champions Cup-ի փոխարեն, իսկ ձևաչափը նման կլինի Չեմպիոնների լիգային՝ որակավորման փուլ, խմբային փուլ և փլեյ-օֆֆ:
Նոր մրցաշարն առաջին անգամ կանցկացվի 2021 թվականի ամռանը: Մրցաշարը սկզբում կանցկացվի ԱՄՆ-ում, այնուհետև ասիական երկրներում:
«Մանչեսթեր Յունայթեդը», «Մանչեսթեր Սիթին», «Չելսին», «Արսենալը» և «Լիվերպուլն» արդեն իրենց հավանությունն են տվել նոր մրցաշարի ստեղծման վերաբերյալ առաջարկին:
Հետևեք NEWS.am SPORT-ին Facebook-ում, Twitter և Telegram-ում