10:40  ,  26 նոյեմբերի, 2019

Պաշտոնական. Նուրմագոմեդովի հաջորդ մրցակիցն ու մենամարտի անցկացման օրը

Խառը մենամարտերի թեթև քաշային կարգի չեմպիոն, ռուսաստանցի Խաբիբ Նուրմագոմեդովն իր հաջորդ մենամարտը կանցկացնի 2020 թվականի ապրիլի 18-ին, հայտնել է Նուրմագոմեդովի մենեջեր Ալի Աբդելազիզը:

Աբդելազիզը Թվիթերի իր պաշտոնական էջում հրապարակել է մենամարտի անցկացման վերաբերյալ ստորագրված պայմանագիրը, որից պարզ է դառնում, որ Նուրմագոմեդովի մրցակիցը կլինի ամերիկացի Տոնի Ֆերգյուսոնը:

Հիշեցնենք, որ Նուրմագոմեդովն իր վերջին մենամարտն անցկացրել է այս տարվա սեպտեմբերին: Ռուսաստանցի մարզիկն ամերիկացի Դասթին Պորյեի հետ մենամարտում պաշտպանել էր չեմպիոնական տիտղոսը:

Հետևեք NEWS.am SPORT-ին Facebook-ում, Twitter և Telegram-ում