01:35  ,  23 նոյեմբերի, 2019

ՊՍԺ-ն խնդիրներ չունեցավ «Լիլի» դեմ խաղում (տեսանյութ)

Ֆրանսիայի առաջնության 14-րդ տուրում չեմպիոն ՊՍԺ-ն տնային խաղում ուժերը չափեց «Լիլի» հետ: Թոմաս Տուխելի գլխավորած թիմը հաղթանակ տարավ 2:0 հաշվով:

Խաղի հաշիվը 17-րդ րոպեին բացեց արգենտինացի հարձակվող Մաուրո Իկարդին: 31-րդ րոպեին իր թիմի առավելությունը կրկնապատկեց արգենտինացի կիսապաշտպան Անխել Դի Մարիան: Գոլային փոխանցումների հեղինակ դարձան սենեգալցի կիսապաշտպան Իդրիսա Գեյեն և գերմանացի կիսապաշտպան Յուլիան Դրաքսլերը:

ՊՍԺ-ն այժմ 33 միավորով գլխավորում է մրցաշարային աղյուսակը և 10 միավորի առավելություն ունի երկրորդ տեղում գտնվող «Մարսելի» նկատմամբ: «Լիլը» 19 միավորով 6-րդ տեղում է:

ՏԵՍԱՆՅՈՒԹ

Ֆրանսիայի առաջնություն, 14-րդ տուր

ՊՍԺ - «Լիլ»՝ 2:0

Մաուրո Իկարդի, 17, Անխել Դի Մարիա, 31

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով