«Ռեալի» հարձակվող Ռոդրիգոյի կրկնակի ռեկորդը Չեմպիոնների լիգայում

Մադրիդի «Ռեալի» բրազիլացի հարձակվող Ռոդրիգոն Չեմպիոնների լիգայի ռեկորդ է սահմանել թուրքական «Գալաթասարայի» դեմ չորրորդ տուրի խաղում, հաղորդում է OptaJoe-ն։ Արքայական թիմը հաղթել է 6։0 հաշվով։

Ռոդրիգոն դարձել է Չեմպիոնների լիգայի պատմության մեջ ամենաարագ դուբլի հեղինակը։ Նա երկու գոլերը խփել է 6 րոպե 4 վայրկյանում։ Ռոդրիգոն դարձել է նաեւ Չեմպիոնների լիգայում գոլ խփած ամենաերիտասարդ բրազիլացի ֆուտբոլիստը՝ 18 տարեկան, 301 օրական։

Հիշեցնենք, որ «Գալաթասարայի» դեմ խաղում Ռոդրիգոն խփել է 3 գոլ, կատարել է 1 գոլային փոխանցում։

Չեմպիոնների լիգա, խմբային փուլ, չորրորդ տուր

A խումբ

«Ռեալ» (Իսպանիա) - «Գալաթասարայ» (Թուրքիա)` 6:0 (տեսանյութ)

Ռոդրիգո, 4, 7, 90, Սերխիո Ռամոս, 14 (11մ.), Քարիմ Բենզեմա, 45, 81

ՊՍԺ (Ֆրանսիա) - «Բրյուգե» (Բելգիա)` 1:0 (տեսանյութ)

Մաուրո Իկարդի, 22

Հետևեք NEWS.am SPORT-ին Facebook-ում, Twitter և Telegram-ում