Ֆուտբոլի Իտալիայի առաջնության երկրորդ տուրում չեմպիոն «Յուվենտուսը» «Ալյանս Յուվենտուս» ստադիոնում ընդունել էր «Նապոլիին»: Մաուրիցիո Սարիի ղեկավարած թիմին հաջողվեց դժվարին պայքարում 3 միավոր վաստակել:
Առաջին խաղակեսում «Յուվենտուսը» 3 րոպեում 2 գոլ խփեց. 16-րդ րոպեին խաղի հաշիվը բացեց բրազիլացի պաշտպան Դանիլոն, իսկ 19-րդ րոպեին թուրինյան ակումբի առավելությունը կրկնապատկեց արգենտինացի հարձակվող Գոնսալո Իգուայինը: 62-րդ րոպեին «Յուվենտուսի» առաջատար Կրիշտիանու Ռոնալդուն երրորդ գնդակն ուղարկեց «Նապոլիի» դարպասը: «Նապոլին» ընդամենը 2 րոպեում կարողացավ նվազագույնի հասցնել հաշվի տարբերությունը: 66-րդ րոպեին իր թիմի առաջին գնդակը խփեց հույն պաշտպան Կոստաս Մանոլասը, իսկ 68-րդ րոպեին մեքսիկացի հարձակվող Իրվին Լոսանոն խփեց խաղի 5-րդ գոլը: Խաղի 81-րդ րոպեին իտալացի պաշտպան Ջովանի Դի Լորենցոն հավասարեցրեց հաշիվը: Հանդիպման ավելացված ժամանակի առաջին րոպեին «Նապոլիի» ծագումով սենեգալցի պաշտպան Կալիդու Կուլիբալիի ինքնագոլը հաղթանակ պարգևեց «Յուվենտուսին»:
«Յուվենտուսը» 6 միավորով շարունակում է գլխավորել մրցաշարային աղյուսակը: «Նապոլին» 3 միավորով զբաղեցնում է 8-րդ տեղը:
Իտալիայի առաջնություն, երկրորդ տուր
«Յուվենտուս» - «Նապոլի»՝ 4:3
Դանիլո, 16, Գոնսալո Իգուային, 19, Կրիշտիանու Ռոնալդու, 62, Կալիդու Կուլիբալի, 90+1 (ինքնագոլ) - Կոստաս Մանոլաս, 66, Իրվին Լոսանո, 68, Ջովանի Դի Լորենցո, 81
Հետևեք NEWS.am SPORT-ին Facebook-ում, Twitter և Telegram-ում
00:58 , 27 ապրիլի 
23:53 , 26 ապրիլի 
22:24 , 26 ապրիլի 
21:56 , 26 ապրիլի 
21:43 , 26 ապրիլի 
21:32 , 26 ապրիլի 
21:11 , 26 ապրիլի 
21:02 , 26 ապրիլի 
20:43 , 26 ապրիլի 
19:38 , 26 ապրիլի 
