Էստոնիայի մայրաքաղաք Տալինում ավարտին մոտեցող հունահռոմեական ըմբշամարտի աշխարհի երիտասարդական առաջնությունում Հայաստանի թիմի անդամ Շանթ Խաչատրյանը 67 կգ քաշային կարգի կիսաեզրափակիչում 15։5 հաշվով կամային հաղթանակ է տարել թուրք Աբդուլ Սամեթ Բասարի նկատմամբ եւ դուրս եկել եզրափակիչ, որը տեղի կունենա օգոստոսի 18-ի երեկոյան։ Շանթ Խաչատրյանի մրցակիցը կլինի վրացի Գիորգի Շոթաձեն։
Եզրափակիչում է նաեւ 60 կգ քաշային Սահակ Հովհաննիսյանը, որը 6։0 հաշվով հաղթել է ռուսաստանցի Գեորգի Տիբիլովի նկատմամբ։ Եզրափակիչում հայ ըմբիշի մրցակիցը կլինի թուրք Քերեմ Քամալը։
Հետևեք NEWS.am SPORT-ին Facebook-ում, Twitter և Telegram-ում